रिस्वत लेत पकड़ाईस पटवारी के गिड़गिड़ा के माफी मांगे लगि

रिस्वत लेत पकड़ाइस गनियारी के पटवारी

ब्रेंकिंग न्यूज- रिस्वत लेत पकड़ाईस पटवारी ता गिड़गिड़ा के माफी मांगे लगिस

बिलासपुर । बिलासपुर जिला के गनियारी गांव म पदस्थ पटवारी रिस्वत लेत रंगे हाथ पकड़ाए हे, पटवारी के पईसा ले के मामल पहली भी होये रहिस हे तभो ले कोनो शिकायत नइ करत रहिस हे, तेखर सेती पटवारी के हौसले अउ बुलंद हो गे रहिस हे। तेखरे सेती शिकायत मिले ले एसीबी के टीम ह मछरी दबोचे असन जाल बिछा के महाराणा प्रताप चउक म पटवारी ल रंगे हाथ पकड़ीस।

पटवारी के पईसा ले के आदत ले परेशान हो के घोंघाडीह निवासी बलराम यादव उम्र 53 वर्ष येखर शिकायत करिस आप मन ल बता दवँ की बलराम यादव ह अपन जमीन के कागज बनाये बर पटवारी तीर गे रहिस हे त पटवारी ह ओखर जमीन के कागज बनाये के बदला म 20 हजार रुपिया के मांग करिस पईसा जादा ले के बात करे म 19 हजार रुपिया म बात होइस, बात होये के बात बलराम ह येखर शिकायत एंटी करप्शन ब्यूरो ले करिस त ब्यूरो के डीएसपी रश्मि कौर चौवला के अघुवाई म छापा मारे के कारवाही करिस।