डीजे म विसर्जन के नाव म पुलिस
प्रसासन अउ समिति के बीच सड़क म
विवाद, जाम लगे ले आम मनखे होइस
परेशान
अनिल कुमार पाली | बिलासपुर | जिला म आदर्श आचार संहिता लागू हे जेखर कारण जिला म होवइया दुर्गा विसर्जन म डीजे नइ बजाए के आदेश दिए गे रहिस हे, तेखरे कारण धुमाल बाजा के संग डीजे बजाये के कारण पुलिस प्रशासन ह डीजे ल बंद करवाया बर समिति के सदस्य मन ल कहिस त समिती के सदस्य मन पुलिस प्रशासन से ही भीड़ गे, समिति अउ पुलिस कर्मचारी मन के बीच म आपसी बात चीत के दौरा चलते रहिस हे के एही बीच म सिटी कोतवाली मेन रोड म जाम के स्तिथि बन गे जेखर कारण उंहा ले गुजरने वाला मनखे मन ल भीड़ के कारण परेशानी के सामना करे बर लगीस, देखत-देखत भीड़ बढ़े ल लगिस त उंहा के भीड़ ल हटाये बर रोड म रेंगाइया मनखे मन बर रास्ता बनाये के प्रयास पुलिस कर्मचारी मन करत रहिन।
दुर्गा विसर्जन म कोनो प्रकार के विवाद झन होवय कई के एक दिन पहली अति. पुलिस अधीक्षक शहर श्री राजेन्द्र जायसवाल अउ नगर पुलिस अधीक्षक श्रीमती पूजा कुमार के उपस्थिती म थाना प्रभारी द्वारा दुर्गा उत्सव समिति के पदाधिकारी मन के थाना सिटी कोतवाली म शांति समीति बैठक के आयोजन किये गे रहिस हे।
0 Comments
अपने विचार सुझाव यहाँ लिख कर हमें भेजें।