जनता के सुविधा बर सुरु करे गे ऑनलाइन RTI पोर्टल म कई तरफ के समस्या, जनता ल नइ मिल पात हे सही लाभ-

 RTI ऑनलाइन पोर्टल म कई तरह के सुधार के जरूरत हे, आधा ले जादा विभाग पंजीकृत नइ हे-

बिलासपुर। अनिल कुमार पाली // पूर्व प्रदेश सरकार ह जनता ल सुविधा दे बर अउ डिजिटल माध्यम ले जोड़े बर RTI ऑनलाइन पोर्टल के सुरुवात करे रहिस हे, जेखर से सूचना के अधिकर के तहत शासकीय विभाग ल जोड़ के सूचना ले के बुता ल आसान बांये जा सकें फेर होवत ऐखर उल्टा हे, पोर्टल ल अतका अकन समस्या हवय के उपयोगकर्ता ऐखर अच्छे ले उपयोग नइ कर पावत हे, जिला के आधा ले जादा विभाग ऑनलाइन पोर्टल म अपन रजिस्ट्रेशन नइ करे हे जेखर से जइसे पूर्व म सूचना अधिकार लगे वइसने अभी भी पेपर पोस्टल ले माध्यम ले आरटीआई लगाए ल लगत हे, 

RTI ऑनलाइन पोर्टल उपयोगकर्ता मन बताइन के कई बार सूचना अधिकार लगये 30 दिवस ले अधिक के समय होये के बाद भी अपीली अधिकारी मेर सूचना अधिकार लगाए के सुविधा काम नइ करे जेखर कारण सूचना अधिकार के जवाब नइ दे ले विभाग के अधिकारी मन बच जाथे, जेन अधिकारी मन 30 दिन के भीतर जवाब ऑनलाइन पोर्टल म नइ देवव ओखर ऊपर ऑनलाइन कोनो कार्यवाही के सूचना दर्ज नइ होये जेखर से आवेदन करता ल परेशानी के सामना करना पड़ता हे, पहली ऑनलाइन RTI लगाए के बाद जवाब नइ मिले म फेर ऑफलाइन आवेदन विभाग म प्रस्तुत करे ल लगत हे, मतलब होही होवत हे, जेखर पूरा फायदा अधिकारी मन ल होते अउ सूचना दे ले बच जाथे।

सूचना अधिकार के ऑनलाइन पोर्टल म जेन समस्या आथे ओखर शिकायत बर पोर्टल म कोनो भी हेल्पलाइन नंबर जारी नइ करे गे हे, जेखर कारण पोर्टल के उपयोग करता मन पोर्टल म आवत समस्या के कारण पोर्टल के उपयोग करना कम कर दे हे, एक पोर्टल उपयोगकर्ता ह बताइस के पोर्टल म सूचना अधिकार लगाए 30 दिवस ले अधिक होये के बाद भी पोर्टल म अपीली अधिकारी के नाव पता नइ दिखत हे, प्रथम अपीली आवेदन वाले कॉलम ल खाली देखत हे, जेखर कारण सूचना दे के समय सीमा पूरा होये के बाद भी ऑनलाइ प्रथम अपीली आवेदन नइ कर पावत हे। ऐखर शिकयत राज्य सूचना आयोग रायपुर के ईमेल म भेजे ले कोनो कार्यवाही नइ होवत हे, जेखर कारण RTI ऑनलाइन पोर्टल के यूजर म कमी आये के संभावना हे।