मोर महतारी भाखा छत्तीसगढ़ी

मोर महतारी भाखा छत्तीसगढ़ी

मोर भाखा
मोर भाखा मोर पहिचान हे,
छत्तीसगढ़ी बोली मोर सम्मान हे,
मोर दाई छत्तीसगढ़ ह,
सब्बो जुग म बढ़ महान हे।
मोर भाखा मोर पहिचान हे.....संगी..02

मोर संस्करीति मोर अभिमान हे,
छत्तीसगढ़ महतारी के सब्बो कोती बखान हे।
जगह-जगह जेखर गुन-गान हे,
छत्तीसगढ़िया के येही पहिचान हे।
मोर छत्तीसगढ़ी भाखा मोर अभिमान हे...02

मुड़ी म बांधे सुग्घर पागा-कलगी,
मेंछा अइठत बइठे हमर सियान हे।
छत्तीसगढ़ के माटी म बलिदान होगे
हमर पुरखा बढ़ महान हे।
मोर भाखा मोर सम्मान हे.....संगी...02

छत्तीसगढ़ी भाखा बर जागत,
सब्बो छत्तीसगढ़िया, क्रांति के पहिचान हे....।
छत्तीसगढ़ी भाखा ह..।
हमर छत्तीसगढ़िया के सम्मान हे.....02

युवा कवि साहित्यकार
अनिल कुमार पाली, तारबाहर बिलासपुर छत्तीसगढ़
मो.न:- 7722906664, 7987766416