भारत ल स्वच्छ बनाबो, गांधी जयंती के संग म

       🇮🇳👏👏👏👏👏👏👏🇮🇳

   कविता 

      भारत ल स्वच्छ बनाबोन 

     चलव चलव जुर मिल के 

     धरती ल स्वर्ग बनाबोन 

     गाँधी जी के सपना भारत

     भारत ल स्वच्छ बनाबोन 

सुघ्घर दिखही गांव गली खोर 

फूल मोगरा गोंदा फुलही 

लईका सियान मन के आगर 

कुलकत मन हरियाही 

जुर मिल के सब संग चलव जी

स्वच्छता के जोत जगाबोन

गाँधी जी के सपना भारत, भारत ल स्वच्छ बनाबोन 

स्वच्छता ल हम पहिचान बनाबोन 

अऊ नवा बिहनिया लाबोन

गांव गली अऊ खोर डहर म 

स्वच्छता ल हम बगराबोन 

गिरे परे कचरा ल उठाबोन 

धरती  ल  स्वर्ग  बनाबोन 

गाँधी जी के सपना भारत, भारत ल स्वच्छ बनाबोन

भारत माँ ल स्वच्छ बनाके

जीयत पुन्य कमाबोन

हमर जीवन के तारण अईसन

जग दुनिया ल देखाबोन 

स्वच्छ भारत अभियान चलत हे

अभियान ल अमर बनाबोन

चलव चलव जुर मिलके, धरती ल स्वर्ग बनाबोन 

गाँधी जी के सपना भारत, भारत ल स्वच्छ बनाबोन 

        

       रचनाकार- अनिल जाॅगडे         

भैसबोड (बिल्हा) बिलासपुर