चलो मांगे बर जाबो छेरछेरा,

🌾🌾🌾🌾🌾🌾🌾🌾🌾

हमर छत्तीसगढ़ म दान पुन के माह परब छेरछेरा

           पुन्नी के चँदा ह

पूस पुन्नी के चंदा ह, 
रही रही के जगात हे 
होगे बिहनिया के बेरा 
चलव मागे बर जाबोन
छेरछेरा छेरछेरा छेरछेरा 

अन्नपूर्णा हमर लक्ष्मी दाई 
घर घर म हवय बिराजे 
देवव दाई छेरछेरा कहिके 
सब लईका सियान मागे 
पूस के पुन्नी छाये हे
गांव गली अऊ पारा पारा 
चलव मागे बर जाबोन, छेरछेरा छेरछेरा छेरछेरा 

गांव गली अऊ खोर दुवारी 
म माँदार के ताल बाजे 
झूम झमाझम झुमर नाचे 
कुहकी पारत डन्डा नाचे 
गीत गावत देवय जोहारा 
चलव मागे बर जाबोन, छेरछेरा छेरछेरा छेरछेरा 

छत्तीसगढ़ हमर भूईया के 
दान परब के तिहार ये 
पूस पुन्नी के छेरछेरा 
हमर माटी के पहिचान ये
माई कोठी के धान देवव 
अब जाबोन दुसर के डेरा 
चलव मागे बर जाबोन, छेरछेरा छेरछेरा छेरछेरा 
पूस पुन्नी  छेरछेरा के आप सबो झन ला सूपा सूपा बधाई 🙏जय जोहार

      ✍ अनिल जाॅगडे 
    (भैसबोड बिल्हा बिलासपुर )