बैरी कोरोना
 |
| अनिल कुमार पाली |
मोर छत्तीसगढ़ महतारी के अंचरा
बगरे हे कोना-कोना
तोर नइये ठिकाना छत्तीसगढ़ म
भाग जा रे बैरी कोरोना
हमन छत्तीसगढ़ीया मनखे
तोला का डराबोन
चटनी बासी हमन खवईया
का तोला घबराबोन
ईहा के माटी सरग बरोबर
देवी देवता बैइठे कोना कोना
जा भाग जा रे बैरी कोरोना
छत्तीसगढ़ीया सबले बढिया
अलग हमर पहचान हे
बिपत ल जुझे बर भाई
सुनता हमर महान हे
झन लांघव कोनो लक्ष्मण रेखा
कोरोना के परही रोना
जा भाग जा रे बैरी कोरोना
रूप धरे हच महमारी के
जग दुनिया ल डरा डारे
मनखे ल तैय छुत बनाके
कतको ल तैय खा डारे
तोर दाई जनमे हे चीन म
ईहा तोर ददा बैठे कोना कोना
जा भाग जा रे बैरी कोरोना
तोला भगाये बर रे बैरी
जिनगी ल दाव लगाये हन
नइ निकलन घर ल बाहीर
तोर फांदा गजब बनाये हन
तोला मिटाये के खातिर
सूना पारे हन कोना कोना
मोर छत्तीसगढ़ महतारी के अचरा
बगरे हे कोना-कोना
तोर नइये ठिकाना छत्तीसगढ़ म
जा भाग जा रे बैरी कोरोना
अनिल जाँगले, सरगांव (मुंगेली)
0 Comments
अपने विचार सुझाव यहाँ लिख कर हमें भेजें।