पिये बर दारू भईया मनखे मनखे उपर झपावत हे, कवि-अनिल जाॅगडे

  

पिये बर दारू भईया

महमारी ये कोरोना ल, आज कोनो नइ डरावत हें।

पिये बर दारू भईया, मनखे-मनखे ऊपर झपावत हें।।

दारू के चक्कर म मनखे, किरा घोघी असन सकलाये।

कतका बडखा बिमारी देख, फेर ककरो जीव नई डराये।।

नियम कानून ल कोन पुछय, सो.डिस्टेस के धजिया उडावत हें।

पिये बर दारू भईया, मनखे-मनखे उपर झपावत हें।।

जान हे त जहान बर, परगे दारू ह भारी ।

काबर खोले दारू दुकान, कतको देवत हे गारी।।

वादा करे नशा मुक्ति के, अब घर-घर म बटवावत हें।

पिये बर दारू भईया, मनखे-मनखे उपर झपावत हें।।

लाॅकडाउन अऊ सो.डिस्टेसिंग के, जूर मिल के पालन करलव।

राक्षस कोरोना ल बाचे बर, थोकिन अऊ दुख ल सहलव।।

कतको ल खा डारिस बैरी, देख आँखी मोर भरावत हें।

महमारी ये कोरोना ल, आज कोनो नई डरावत हें।।

पिये बर दारू भईया, मनखे-मनखे उपर झपावत हे।

मनखे-मनखे उपर झपावत हे ।।

✍ अनिल जाॅगडे सरगांव मुंगेली



मैं अखबार हु जनाब हर रोज बदलता हु।
कविता-अनिल कुमार पाली
https://anilpali.blogspot.com/2020/05/Hindi-Poetry-News-pepar.com.html?m



CG covid e-pass kaise banaye?
https://anilpali.blogspot.com/2020/05/cg-covid-e-pass-kaise-banaye.html?m