आचार संहिता लागू रहे तक ले फलाने भईया, ढेकाने भईया नइ चले, यातायात पुलिस ह करिस गाड़ी ले पदनाम निकाले के कार्यवाही-

आचार संहिता लागू रहे तक ले फलाने 

भईया, ढेकाने भईया नइ चले, यातायात 

पुलिस ह करिस गाड़ी ले पदनाम निकाले 

के कार्यवाही- 

अनिल कुमार पाली/बिलासपुर || प्रदेश म आचार संहिता लागू हे जेखर कारन पुलिस अधिकारी के दिशा निर्देश अउ डीएसपी यातायात के आदेश ले जिला म घूमने वाला निजी वाहन म लगे पदनाम अउ राजनीति के चिन्ह ल हटाये के कार्यवाही यातायात पुलिस के कोती ले निरंतर जारी हे।

पुलिस विभाग के कर्मचारी मन बताइस की अधिकारी मन के आदेश ले यातायात पुलिस बिलासपुर के कार्यवाही निरंतर चलत रही संग म अभी करे कार्यवाही म 25 ले जादा पदनाम अउ राजनीतिक चिन्हा ल निकाले के बुता करे हन,  ऐखर संग डीएसपी संजय साहू के नेतृत्व म यातायात पुलिस मन के द्वारा अभी तक लगभग 150 ले जादा पदनाम राजनीतिक चिन्हा पट्टी ल निकलवाया हे। 

ऐखर संग चेकिंग के बेरा म मोटर व्हीकल एक्ट के जेन पालन नइ करत हे तेखरो ऊपर कार्यवाही करे जात हे, संग म दारू के नसा म गाड़ी चलइया मनखे मन के ऊपर घलोक कार्यवाही कर के प्रकरण ल माननीय न्यालय म भेजे हन, जेमा न्यालय के द्वारा अलग-अलग प्रकरण म दस-दस हजार रुपय के जुर्माना लगाइस हे। मोटर व्हीकल एक्ट के अउ दूसर धारा म कार्यवाही कर के लगभग 101 वाहन मन के चलान कटे हवय।