हसदेव जंगल म होवत पेड़ कटाई म प्रतिबंध लगाये बर जोहार छत्तीसगढ़ पार्टी के कोती ले राज्यपाल महोदय के नाव दिये गिस ज्ञापन- बिलासपुर

 हसदेव जंगल म होवत पेड़ कटाई म 

प्रतिबंध लगाये बर जोहार छत्तीसगढ़

पार्टी के कोती ले राज्यपाल महोदय के

 नाव दिये गिस ज्ञापन- बिलासपुर

जोहार छत्तीसगढ़ पार्टी हसदेव जंगल ल बचाये बर राज्यपाल के नाव दिस ज्ञापन-

अनिल कुमार पाली। बिलासपुर

छत्तीसगढ़ के हसदेव जंगल में होवत जंगल के कटाई के विरोध म आज जोहार छत्तीसगढ़ पार्टी बिलासपुर के कोती ले महामहिम राज्यपाल के नाव ले बिलासपुर जिला के प्रत्याशी सेनानी मन के कोती ले जिला कलेक्टर के माध्यम से ज्ञापन सौंपे गिस, जोहार छत्तीसगढ़ पार्टी के कहना हवय की पांचवीं अनुसूचित क्षेत्र म फइले सघन जंगल हसदेव अरण्य ल निजी कंपनी ल लाभ पहुंचाने नाव म काटे जात हे, अइसने पेड़ कटत रही त अवइया बेरा म मनखे मन बर ऑक्सीजन के भारी कमी हो जही, अउ जंगल म रहइया प्राणी मन के निर्मम हत्या होवत हे, जेन जंगली जानवर जंगल म बच जात हे तेमन गांव शहर के कोती बढत हे जेखर कारण गांव के मनखे मन के जीवन घलोक खतरा म पढ़े हे, अइसने में जंगल ल विनाश ले बचाये बर आप ले गोहर करत हन ताकि छत्तीसगढ़ महतारी के कोरा म बसे हसदेव जंगल बांच सकें।  ऐखर संगे संग छत्तीसगढ़िया क्रांति सेना कोती ले लगातार विभिन्न माध्यम ले हसदेव जंगल ल बचाये बर निरंतर प्रयास करे जात हे, अउ जमीन के लड़ाई लड़े के कारण पाछु के सरकार के कार्यालय म क्रांति सेना के सेना अध्यक्ष ल जेल तको जाए ल।पढ़े हे ।