हसदेव के जंगल ल बचाये बर सोशल मीडिया म छत्तीसगढ़िया क्रांति सेना के पोस्टर वॉर ल मिलिस जन समर्थ-

हसदेव के जंगल ल बचाये बर सोशल मीडिया म छत्तीसगढ़िया क्रांति सेना के पोस्टर वॉर ल मिलिस जन समर्थ- 

सबो जगह दिखत हे #save hasdeo के पोस्टर मनखे करत हे जंगल काटे के विरोध-

अनिल कुमार पाली । बिलासपुर 

जंगल के विनाश ल रोके बर लगातार बुता करत छत्तीसगढ़िया क्रांति सेना के कोती ले #save_hasdeo के बैनर पोस्टर के संग इतवार के एक संग सोशल मीडिया म विरोध प्रदर्शन करे गीस, जेला छत्तीसगढ़ अउ सामाजिक संगठन अउ मनखे मन के खुल के सहयोग मिलिस छत्तीसगढ़िया क्रांति सेना के सेनानी मन सेव हसदेव के नारा के संग पोस्टर ल हाथ म धर के फोटो ले के सोशल मीडिया में डाले हे, आज क्रांति सेना के सोशल मीडिया म जगह-जगह हसदेव बचाव के पोस्टर देखे ल मिलिस, ऐखर ले पहली जोहार छत्तीसगढ़ पार्टी अउ छत्तीसगढ़िया क्रांति सेना कोती ले हसदेव जंगल ल बचाये बर 2000 गाड़ी के संग आंदोलन म बइठे ग्रामीण मन के सहयोग करे बर हसदेव जंगल रैली के रूप म गे रहिन हे जेला रोके के भरपूर प्रयास प्रशासन कोती ले करे गे रहिस हे, तेखर बाद सरकार के कोती ले कोनो सुघ्घर प्रयास नइ करे जात हे तेखर कारन सरकार ल जगाए बर संगठन के कोती ले शांति पूण तरीका ले जंगल काटे के विरोध लगातार करे जात हे।