बिलासपुर के सिम्स हॉस्पिटल खुद बीमार, बड़े सर्जरी के हवय जरूरत-
हॉस्पिटल के फ्लोरिंग उखड़े हे जगह-जगह पान गुटका के पिक
अनिल कुमार पाली| बिलासपुर बिलासपुर जिला के सबले बढ़े अस्पताल सिम्स ह सुविधा के कमी ले जूझत हे, बिलासपुर हाईकोर्ट के फटकार लगाए के बाद थोड़ा बहुत सुधार करे गे हे जेमा नवा फर्नीचर दिखत हे, फेर ऐखर बाद भी मूल-भूत सुविधा ले दूर दिखत हे अस्पताल के हालात अइसे हे कि मरीज मन बर लगे खराब पढ़े हे, सिम्स म मरीज मन के सुविधा बर जेन उपयोगी उपकरण हे तेन मन खराब पड़े हे लिफ्ट के आघु म लिफ्ट खराब हे सीढ़ी के उपयोग करे अइसे लिखे वाला पोस्टर चिपके हे, फेर येला जल्द बनवाय के सुध कोनो नइ लेवत हे,
अउ आप ल बतात हन के मरीज मन के बेड के नीचे म काकरोज मन भरे पढ़े हे जेखर से बीमार मरीज ह अउ बीमार पढ़ जही फेर जल्दी अस्पताल ले ठीक होये के कोनो सुविधा नइ दिखे, हालत अइसे हवय के एमरजेंसी म मरीज मन ल लेके आने वाला एम्बुलेंस जइसे हॉस्पिटल के गेट म आथे कोनो वार्ड बॉय आया नजर नइ आये मरीज मन ल एमरजेंसी वार्ड म लेजाए बर, परिजन मन के सहयोग ले मरीज ल एमरजेंसी वार्ड म ले के जाए ल लगथे कहु कोनो मरीज के संग मन कोनो परिवार के सदस्य नइ रहे त वोला एमरजेंसी वार्ड म लेजाए बर अगोरा करे ल पड़थे अइसे स्तिथि म गंभीर बीमारी ले जूझता मरीज मन के इलाज कइसे होही, जिला के बड़का हॉस्पिटल सिम्स ल खुदे डॉक्टरी इलाज के जरूरत पड़त हे।
0 Comments
अपने विचार सुझाव यहाँ लिख कर हमें भेजें।