जोरेंव जिनगी म सब बर अपन जान के- लेखक:- नागेश वर्मा टिकरापारा रायपुर

 जिंनगी म कोनो पुछारी नइहे

जोरेंव जिनगी म सब बर

अपन जान के,

रेंग दिस तीरिया के मोला

दूसर मान के,

देख ए ठउर म

कोनो दोसदारी नइहे

देख जिनगी म कोनो पुछारी नइहे ..

.

नता ला निभावत हे

नेंग बरोबर,

भाखा संस्कृति कस

मया नंदावत हे,

अउ देखाए बर हमर भइगे,

कोनो चिन्हारी नइहे,

देख जिनगी म कोनो पुछारी नइहे...

.

मान मनउव्वल दारू ले

ता परब म रस कहाॅं ले आही

दाई बइठे हे संसो में

मोर टूरा कब घर आही

अउ पीरा सोरियाए बर

कोनो संगवारी नइहे

देख जिनगी म कोनो पुछारी नइहे।।

लेखक:- नागेश वर्मा

टिकरापारा रायपुर

विज्ञापन के लिए संपर्क करें, दैनिक समाचार पत्र एवं पोर्टल       

whatsapp No:- 7722 906664 , aarugnews@gmail.com

आप का व्यपार हम बढ़ाएंगे।