25 अगस्त को अनियमित प्रगतिशील कर्मचारी संघ करही धरना प्रदर्शन

अनियमित कर्मचारियों मन करही 25 अगस्त को आंदोलन

अनियमित कर्मचारी करही छटनी रोके बर, एक दिन के धरना प्रदर्शन 18 अगस्त को।

छत्तीसगढ़ । सरकार के कोती ले नियमित करे के वाद करे के बाद अभी तक कोनो पहल कर्मचारी मन के हित म नइ करेगे हे अउ ओखर बाद भी सब्बो विभाग म छटनी के खेल चलत हे जेखर ले अनियमित कर्मचारी ह अब्बड़ परेशान हे। कुछु दिन पहली छत्तीसगढ़ के सब्बो विभाग म सरकारी कर्मचारी मन ल एति-ओती एक जिला ले दूसर जिला काम करे बर स्थांतरण करे जात हे, जेखर ले सबले जादा खतरा अनियमित कर्मचारी मन ल हे, काबर के स्थानांतरण होए ले अनियमित कर्मचारी के बदला म नियमित कर्मचारी ह आजही त अनियमित कर्मचारी ह बाहिर हो जही अउ ओला अपन नौकरी छोड़े ल पढ़िही, जेखर ले बचे बर अउ शासन के ध्यान अपन कोती करे बर अनियमित प्रगतिशील कर्मचारी संघ ह 17 अगस्त को रायपुर म एक दिन के धरना दे के फैसला करें हे,
जेमा सरकार के कोती ले जो छटनी होत हे ओला रोकना, अनियमित कर्मचारी ल 62 साल तक काम बुता करे के अधिकार देने, सब्बो अनियमित कर्मचारी ल नियमित करे के, छत्तीसगढ़ म ठेका पराथा ल बंद करे जावे, यही सब मांग ल ले के 25 अगस्त को एक दिन के 'छटनी रोको आंदोलन' करही।

17 अगस्त को होईस बइठका म कर्मचारी नेता विजय कुमार झा, गोपाल प्रसाद साहू प्रदेश अध्यक्ष, बजरंग मिश्रा कार्यकारी अध्यक्ष, प्रेमप्रकाश गजेन्द्र उपाध्यक्ष, धर्मेन्द्र सिंह राजपूत प्रवक्ता, कमलेश कुमार सिन्हा महामंत्री, राजकुमार कुशवाहा प्रदेश सचिव, आदि उपस्थित रहिन।