छोड़ो प्लास्टिक का उपयोग, कपड़े का थैला सिलावो

    भारत के स्वच्छता ऊपर बढ़ सुग्घर कविता- कवि- अनिल जी के द्वारा

       छोडव प्लास्टिक के थैला 

छोडव प्लास्टिक के थैला 

कपड़ा के झोला सिलावव

झन करव ऐ धरती ल मैला 

भारत भूईया ल स्वच्छ बनावव 

न ऐ कभु सरय गलय जी

अऊ नई होवय नाश रे 

हमर जीवन बर कैंसर हवय 

बात ल मोर मान रे 

गिरे परे कचरा ल उठावव 

रस्ता ल सरग बनावव 

छोडव प्लास्टिक के थैला

कपड़ा के झोला सिलावव 

ये प्लास्टिक के झोला थैईला 

धरती ल बन्जर बनात हे 

भारत भूईया सोन चिरईया ल

देख  आसु  रोवात हे 

जुर मिल के सब किरिया खालव 

कपड़ा के झोला अपनावव  

छोडव प्लास्टिक के थैला 

कपड़ा के झोला सिलावव 

जगह जगह म फेकाये प्लास्टिक 

जीव जंतु सब खात हे 

ये प्लास्टिक के कारण म 

लाखो जान गवात हे 

दुर भगावव ये बैरी ल 

भारत भूईया ल स्वच्छ बनावव

छोडव प्लास्टिक के थैला 

कपड़ा के झोला सिलावव 

झन करव ऐ भूईया ल मैला 

भारत भूईया ल स्वच्छ बनावय 

          जय भारत भूईया 

         ✍️कवि- अनिल जाॅगडे

ग्राम-भैंसबोड़, बिल्हा क्षेत्र बिलासपुर छत्तीसगढ़