जोहार छत्तीसगढ़ फ़िल्म के कलाकार मन संग होली मिलन

जोहार छत्तीसगढ़ी फ़िल्म के कलाकार मन संग छत्तीसगढ़िया क्रांति सेना के होली मिलन

बिलासपुर। बिलासपुर के शिव टाकीज म लगे फ़िल्म जोहार छत्तीसगढ़ ल देखे बर आज बिलासपुर छत्तीसगढ़िया क्रांति सेना के सेनानी मन संग जोहार छत्तीसगढ़ फ़िल्म के पूरा टीम पहुँचीस जेखर धूम स्वागत महिला क्रांति सेना के प्रदेश अध्यक्ष श्रीमती लता राठौर के संग छतीसगढ़ीया क्रांति सेना के संयोजक शैलू ठाकुर अध्यक्ष कृष्ण कौशिक, उपाध्यक्ष अनिल पाली मन करिन जेखर बाद टाकीज कार्यलय म ही छत्तीसगढ़ महतारी के आरती गीत ग के छत्तीसगढ़ महतारी के वंदना करनी, फ़िल्म देखे के संगे-संग सब्बो सेनानी मन मिल के फ़िल्म कलाकार मन संग रंग गुलाल के होली खेलीन जेमा जोहार छत्तीसगढ़ी फ़िल्म के गाना म सब्बो सेनानी मन झूम के नाचीन।