छत्तीसगढ़ी के बढ़ सुग्घर कविता-तोर सुरता कवि- अनिल कुमार पाली, बिलासपुर

 

❤ तोर सुरता ❤

चंदा ल कहे रहेंव, तोर सुरता झन देवाबे।

फेर चमक के तोर सुरता ल देवा दिस।।

अइसे बरसिस ये बैरी बादर ह के।

फेर मोर मया ल भीगा दिस।।

कतका पथरा लदक के करेजा म।

तोर सुरतिया ल भुलाये रहेंव।।

फेर काबर रेंगेव मैं ये रददा म।

के फेर तोर सुरता ल देवा दिस।।

कइसे बताओ कतका घव किंजरे हव मय।

तोर दुवंरि ले अपन आँखी ल मुंद के।।

फेर तोर पायल के छनक ह,

मोर जीवरा ल मता दिस।।

✍️ युवा कवि साहित्यकार

अनिल कुमार पाली, तारबाहर बिलासपुर