नवरात्रि जस गीत गीतकार अनिल जाॅगडे सरगांव (मुंगेली)

 🙏🏼जस गीत 🙏🏼

नव दिन नव रूप धरके 

आये हे दाई हमार 

चलव चलव मईया ल मनाबोन

पाबोन मया दुलार 

आनी बानी के साज सजे हे 

दाई के दुवार म

रंग बिरंग  के फूल लगे हे 

मईया के दुवार म

जुर मिल के सब सेवा ल करबोन 

करबोन ग जय जोहार 

चलव चलव मईया ल मनाबोन 

पाबोन मया दुलार ।।

ममता माई हे मोर दाई 

अडबड मया ल करथे 

दुखिया के ओ दुख हर लेथे 

सबके झोली ल भरथे

नरियर पान सुपाडी चढाबोन 

करबोन ग जय जोहार 

चलव चलव मईया ल मनाबोन 

पाबोन मया दुलार ।।

आये हे दाई नव दिन बर 

घी के जोत जलाबोन 

नव दिन के नव रात म

मईया के सेवा ल गाबोन

लाली ध्वजा लाली चुनरी चढाबोन 

करबोन ग जय जोहार 

नव दिन नव रूप धरके

आये हे दाई हमार 

चलव चलव मईया ल मनाबोन 

पाबोन  मया दुलार ।।

🙏🏼💐जय माता दी 💐🙏🏼

अनिल जाॅगडे 

     सरगांव (मुंगेली)