पतंग सजाओ प्रतियोगिता के आयोजन जिला निर्वाचन अधिकारी द्वारा करे जात हे-

मतदाता मन ल जागरूक करे बर स्वीप

पतंग सजाओ प्रतियोगिता के आयोजन 

जिला निर्वाचन अधिकारी द्वारा करे जात 

हे- 

बिलासपुर। (अनिल कुमार पाली) जिला म मतदाता ल जागरूक करे बर कलेक्टर बिलासपुर अउ जिला निर्वाचन अधिकारी के कोती ले पतंग सजाओ इनाम पाओ प्रतियोगिता के आयोजन करे जात हे जेमा सबो उमर के मनखे भाग ले सकथे, जिला म स्वीप कार्यक्रम के तहत मताधिकार का परती युवा अउ आम मनखे ल जागरूक करे बर महाविद्यालय मन म स्वीप पतंग सजाओ प्रतियोगिता के आयोजन करे जाही। स्वीप पतंग सजावट कर के पतंग जमा करे के आखरी दिन 24 अक्टूबर तक हवय। सबले अच्छा सजावट करने वाला पहली 25 प्रतिभागि मन ल पुरस्कृत भी दिये जाही।  

जिला पंचायत सीईओ अउ स्वीप के जिला नोडल अधिकारी अजय अग्रवाल ह बताइस के प्रतिभागी मन बाजार ले पतंग खरीद के अपन ले खुद सजावट कर खुद पतंग बना के सजा सकथे, जतना भी पतंग बनाये जाही सबो पतंग म शत प्रतिशत मतदान, बिलासपुर के अभिमान अउ चुनई चिरई के मोनो अउ प्रतिभागी के नाव, मोबाईल नंबर जरूर लिखाये होना चाही। प्रतिभागि मन ल ऐखर भी धियान रखना होही के उंखर द्वारा बनाये पतंग म कोनो भी राजनैतिक दल के चिन्हा, नाव अउ कोनो प्रत्याशी के उल्लेख झन होवय पंतग सजाव प्रतियोगिता ह पूरा तरह मतदान जागरूकता के थीम म होना चाही। स्वीप पतंग सजावट कर के प्रतियोगिता म भाग लेवाइया मन अपन पतंग जिला पंचायत बिलासपुर म श्री अजीत वर्मा, अन्वेषक जिला पंचायत बिलासपुर मो.न. 9425979401 के पास जमा कर के ओखर फोटो व्हाट्सअप म शेयर कर सकथे। इंखर संग गाँव कोती के मनखे मन बर बिल्हा, मस्तूरी, तखतपुर अउ कोटा के जनपद पंचायत कार्यालयों म मुख्य कार्यपालन अधिकारी के पास भी पतंग सजावट कर के जमा कर सकथे।