उजियार... हमर चिन्हारी के होईस सफल अउ सुग्घर आयोजन, छत्तीसगढ़ी भाखा अउ संस्कृति ला सहेजे के युवा मन के सुग्घर पहल

 उजियार... हमर चिन्हारी के होईस सफल 

अउ सुग्घर आयोजन, छत्तीसगढ़ी भाखा 

अउ संस्कृति ला सहेजे के युवा मन के 

सुग्घर पहल-

आरुग पत्रिका, संपर्क-7722906664

अनिल कुमार पाली | बिलासपुर || छत्तीसगढ़ी भाखा अउ संस्कृति ला संजोये अउ सहेजे बर “उजियार.. हमर चिन्हारी के” सुग्घर अउ सफल आयोजन 28 अक्टूबर को रायपुर के हिरदय स्थल म बिराजे श्री हरदेव लाल मंदिर प्रांगण टिकरापारा म कार्यक्रम संपन्न होईस| पहली सत्र म छत्तीसगढ़ी लोकनृत्य के कार्यशाला होईस जेमा सुवा,कर्मा,पंथी अउ मुख्य रूप से रिलो अउ सरहुल नृत्य के प्रसिक्षण कार्यशालागुरु प्रांजल राजपूत द्वारा दे गिस | दुसरइया सत्र म युवा लेखक अउ नवा जुन्ना लेखक/कवि मन ला मंच दे खातिर “हमर गुरतुर गोठ (छत्तीसगढ़ी ओपन माइक ) के आयोजन होईस ओपन माइक प्रभारी कोमल बतीस की 40 ले ज्यादा रचनाकार मन अपन प्रतिनिधि रचना के पाठ करिस | कार्यक्रम के तीसरा अउ अंतिम सत्र म लोकनृत्य कर्मा,सुवा, पंथी,सरहुल के सामूहिक प्रस्तुति होईस जेमा लगभग 2000 ले ज्यादा मनखे उपस्थित होइन अउ लोकगीत के थाप म लोकनृत्य म झूमीन | चिन्हारी ला संजोये के ये बड़का उदिम म राज्य ले कोंटा कोंटा ले संस्कृति ले मया करइया मन जुरियाए रिहिन |

कार्यक्रम संचालन

वेदप्रकाश साहू , ऋचा वर्मा अउ हर्षिका ध्रुव डाहर ले करे गिस | उजियार परिवार के सदस्य म संस्थापक अउ संयोजक नागेश वर्मा, सह-संस्थापक आदित्य साहू, प्रांजल राजपूत,जित्तू दुलरवा,गोपिका साहू, मुकेश साहू,दुष्यंत साहू, कोमलकांत,नितेश,खेमराज ,भानुजा,पायल विशाल, बलराम, ललिता, नितीश, मनीष कोटवानी, अउ जम्मो कलाकार जुरियाए रिहिन |

एमन करीन सहयोग

उजियार के सफल आयोजन म अरपा स्टूडियो, सवांगा,शिव शक्ति मोबाइल, मेमर टूरा,पाटन आर्ट गैलरी, सरगम म्यूजिक,हरियर म्यूजिक एवं फोटोग्राफी, छत्तीसगढ़िया बाबू , शिवालय ग्राफ़िक अउ अब्बड़ संगी मन के प्रत्यक्ष अप्रत्यक्ष रूप ले सहयोग मिलिस |

कार्यक्रम के पहुना

कार्यक्रम के माइ पहुना म हरदेव लाल मंदिर समिति अध्यक्ष अउ वार्ड पार्षद श्री चंद्रपाल धनगर जी, खास पहुना  रक्षा विशेषज्ञ डॉ. वर्णिका शर्मा,साहित्यकार डॉ.विकास, आइ.बी.सी.24 एंकर रचना नितेश,  साहित्यकार मिनेश साहू गीतकार इश्वर साहू बंधी जी, अभिनेता जागेश वर्मा, नवीन साहू,शालिनी, नरेश साहू, भिलाई टाइम्स के यशवंत साहू अउ बड़ नामचीन कलाकर मन सामिल होइन |

विज्ञापन के लिए संपर्क करें, दैनिक समाचार पत्र एवं पोर्टल       
whatsapp No:- 7722 906664 , aarugnews@gmail.comआप का व्यपार हम बढ़ाएंगे।

दुरिहा दुरिहा ले आइन कला ले मया करइया

उजियार कार्यक्रम म रायपुर जिला के अलावा अन्य जिला भिलाई-दुर्ग, बिलासपुर, दंतेवाड़ा, रायगढ़, कोरबा, धमतरी, कोरिया, सूरजपुर,खैरागढ़ ले कला संस्कृति ले मया करइया मन जुरियाए रिहिन जेमन ओपन माइक अपन प्रस्तुति दे के बाद सामूहिक नृत्य के घलो आनंद लीन|

ए जम्मो जानकारी “उजियार.. हमर चिन्हारी के” संस्थापक अउ संयोजक नागेश वर्मा अउ उजियार परिवार क सदस्य डाहर ले मिलिस हे | संयोजक हा बताइन की एकर ले पहली 2022 म घलो बड़का स्वरुप म उजियार के सफल आयोजन होईस उही बूता ला आघू बढ़ावत हमर कला, हमर भाखा अउ संस्कृति ला संजोये औ चारो डाहर बगराये के उदिम म  एसो घलो एकर आयोजन करे गिस  अउ आघू घलो इही प्रकार के अलग अलग आयोजन उजियार परिवार डाहर ले करे जाही |

चुनावी समाचार,चुनाव प्रचार,चुनावी विज्ञापन,आलेख कविता,प्रचार सामग्री, छपवाने और लिखवाने के लिए संपर्क करें।
अनिल कुमार पाली
7722906664