कालेज म एम,ए, छत्तीसगढ़ी अउ छत्तीसगढ़ी डिप्लोमा कोर्स करईया लईका मन के का होही?

छत्तीसगढ़ राज्य ल बने तेइस बछर पुर गे,

तभो ले छत्तीसगढ़ी भासा म पढ़इया 

लईका मन के सुध कोनो नइ लेवत हे। 

छत्तीसगढ़ राज्य म भासा अउ पढ़ाई के लड़ाई निरंतर चलत हे, पहली ले पांच कक्षा तक सब्बो विसय महतारी भासा छत्तीसगढ़ी म होये तेखर बर कतका लड़ाई लड़े ल पढ़ीस हे, तभो ले दे के एक विसय के रूप म पढ़ाई होये बर सुरू होइस हे, फेर कालेज म एम,ए, छत्तीसगढ़ी अउ छत्तीसगढ़ी डिप्लोमा कोर्स करईया लईका मन के का होही? उच्च शिक्षा म जब अपन महतारी भासा म पहली बेरा पढ़े बर मिलिस त लईका मन बढ़ उत्साह ले छत्तीसगढ़ी भासा म एम, ए, छत्तीसगढ़ी भासा कोर्स करे बर हबर गे अउ बने पढ़ लिख के पास घलोक होंगे, फेर का पास होके कोनो छत्तीसगढ़ी म गोठियाही नइ छत्तीसगढ़ी म पढ़ाई करे लईका मन ल रोजगार नइ दिही त उंखर भविष्य के का होही, अपन महतारी भासा म पढ़े के बाद घलोक लईका मन ल रोजगार के अवसर बर दर-दर भटके ल पड़त हे तिखर पीरा ल जानने वाला कोनो नइ हे, अइसने म छत्तीसगढ़ी भासा म डिग्री डिप्लोमा करईया लईका मन के भविष्य के गहन चिंता कर के कोनो रददा निकाले ल पढही। 

विज्ञापन के लिए संपर्क करें, दैनिक समाचार पत्र एवं पोर्टल       
whatsapp No:- 7722906664 , aarugnews@gmail.com आप का व्यपार हम बढ़ाएंगे।

छत्तीसगढ़ राज्य ह छत्तीसगढ़िया मन बर बने हे, छत्तीसगढ़ राज्य के संरचना छत्तीसगढ़ी भासा के आधार म ही होये हे, तेखर कारन छत्तीसगढ़ी भासा ल सबो जगह पहली महतम देना जरूरी हवय अउ ऐखर से छत्तीसगढ़ी म पढ़ाई करे लईका मन बर रोजगार के अवसर बढ़ही संगे-संग जिन्हा भी लिखाई-पढ़ाई के बुता होथे सबो म छत्तीसगढ़ी भासा ल पहली प्राथमिकता दे के छत्तीसगढ़ी म पढ़ाई लिखाई करईया लईका मन ल पहली रोजगार के अवसर दे ल लगही तभे छत्तीसगढ़ म छत्तीसगढ़ी भासा बाढ़ही अउ छत्तीसगढ़ी भासा के बढ़े ले छत्तीसगढ़ी म पढ़ाई करईया लईका मन ल रोजगार के नवा-नवा अवसर मिलही। 

चुनावी समाचार,चुनाव प्रचार,चुनावी विज्ञापन,आलेख कविता,
प्रचार सामग्री,छपवाने और लिखवाने के लिए संपर्क करें।
संपर्क न-  7722906664

रोजगार के संगे-संग छत्तीसगढ़ के मनखे ल अपन भासा छत्तीसगढ़ी ल सबो जगह बउरे बर आघु आये ल लगही जइसे-जइसे छत्तीसगढ़िया मन अपन महतारी भासा म गोठियाही वइसने दूसर मनखे मन घलोक छत्तीसगढ़ी भासा ल जानही-सिखही अउ बउरे ल सुरु करही ऐखर ले छत्तीसगढ़ म छत्तीसगढ़ी भासा के विकास होही, छत्तीसगढ़ी म पढ़इया लईका मन ल रोजगार मिलही, अउ रोजगार ले युवा मन के भविष्य सुधरही।

अनिल कुमार पाली

तारबाहर बिलासपुर छत्तीसगढ़