जोहार छत्तीसगढ़ पार्टी के लोरमी प्रत्यासी परसराम यादव के जनसंपर्क सुरु, भाजपा प्रदेश अध्यक्ष भी हवय मैदान म।

जोहार छत्तीसगढ़ पार्टी के लोरमी प्रत्यासी 

परसराम यादव के जनसंपर्क सुरु,

भाजपा प्रदेश अध्यक्ष भी हवय मैदान म- 

आरुग न्यूज

आरुग न्यूज 7722906664

अनिल कुमार पाली || बिलासपुर  2023 के विधानसभा म घोषणा पत्र जारी कर के जोहार छत्तीसगढ़ पार्टी ह मैदान म उतर गे हे, घोषणा पत्र म 3200 रुपए धान के दाम, रबी फसल ला घलो बिसाय, इहां के उद्योग मन म छत्तीसगढिया ला 100% रोजगार देहे , किसान मन के बेटी बेटा ला डॉक्टरी, इंजीनियरिंग पढाई करे लायक सम्पन्न बनाये, नशामुक्त छत्तीसगढ़िया जैसे 40 बिंदु ला अपने संकल्प पत्र में डारने वाला जोहार छत्तीसगढ़ पार्टी हर घलो चुनाव बर कमर कस ले हे, आऊ अभी तक 35 विधायक प्रत्याशी खड़ा करे हे। जेमा लोरमी विधानसभा ले माटीपुत्र परसराम यादव ला टिकिस  देहे हे। अपन मात्र संगठन छत्तीसगढ़िया क्रांति सेना द्वारा प्रदेस भर मा छत्तीसगढ़ी हक आधिकार, भासा संस्कृति बर लड़ाई लड़के प्रदेश भर म लाखो सेनानी तैयार कर चुके ए पार्टी का दावा हे कि लोरमी समेत प्रदेश के दर्जनों विधानसभा म राष्ट्रीय दलों मन ल उखाड़ फेंकबो काबर कि छत्तीसगढ़िया समाज जाग चुके हे आऊ अब ओहर अपन अधिकार ल समझथे । परसराम अपने सेनानी के साथ मिलके घर-घर हबर के छत्तीसगढ़ी समाज से वोट मांगत हे । ओखर दावा हे कि 20 दिन के भीतर अपन विधानसभा के 200 गांव हबर जाहूँ। अउ छत्तीसगढ़िया मन के हक अधिकार बर लड़त रहु।

बिलासपुर जिला उपाध्यक्ष ले गोठ करे म पता चलीस की परस राम यादव ह छत्तीसगढ़िया भाई म के हक अधिकार के लड़ाई लड़त कारावास म घलोक छे महीना बिताए हे, ऐखर बाद ले छत्तीसगढ़ महतारी बर अउ जोरदार बुता करत हे।