28 अक्टूबर के होही "उजियार.. हमर चिन्हारी के" कार्यक्रम आयोजन-

 28 अक्टूबर के होही "उजियार.. हमर

 चिन्हारी के" कार्यक्रम आयोजन- 

अनिल कुमार पाली | बिलासपुर 

भारत के जम्मो राज्य म अपन अलग-अलग परब संस्कृति हावय जेन ओकर पहिचान होथे। छत्तीसगढ़ खनिज सम्पदा के संगे-संग सांस्कृतिक रूप ले भरे-पुरे हावय। वर्तमान के बेरा म युवा मन सोशल मीडिया म व्यस्त हे उंहे दूसर डाहर कुछ युवा मन अपन संस्कृति अपन भाखा ल बगराए बर अउ संजो के राखे नवा उदीम "उजियार.. हमर चिन्हारी के" करत आवत हे। उजियार के संस्थापक अउ संयोजक नागेश वर्मा हा बताइन की ए कार्यक्रम आयोजन के दूसरईया बछर हे अउ ए सो उजियार के आयोजन 28 अक्टूबर दिन सनिच्चर को सिध्द श्री हरदेव लाल मंदिर टिकरापारा रायपुर (छ.ग.) म सम्पन्न होही।

चुनई तिहार छत्तीसगढ़ी कविता अनिल कुमार पाली युवा कवि साहित्यकार |

आयोजित उजियार कार्यक्रम तीन चरण म होही जेमा पहिली लोकनृत्य के कार्यशाला होही एमा प्रमुख रुप ले सुआ करमा के संग रिलो अउ सरहुल नृत्य कार्यशाला गुरू प्रांजल सिंह राजपूत द्वारा लिए जाही। दूसरइया चरण म हमर गुरतुर गोठ ओपन माइक कार्यक्रम होही जेमा नवा जुन्ना लेखक मन ल मंच दे जाही। तीसरा चरण म सामूहिक लोकनृत्य के आयोजन होही। इही बीच पहुना अउ संगी मन के सम्मान भी करे जाही। 

छत्तीसगढ़ म क्षेत्रीय पार्टी काबर जरूरी..? पढ़व पूरा लेख। |

कार्यक्रम पहुना सम्मान होही जेमा उजियार के माइ पहुना म श्री अमीत बघेल प्रदेश अध्यक्ष छत्तीसगढ़िया क्रांति सेना, श्री चन्द्रपाल धनगर पार्षद वार्ड 63 अउ अध्यक्ष हरदेव लाल मंदिर समिति, श्री मनोज वर्मा जी। पहुना म रचना नितेश जी, अनुराग शर्मा, जागेश वर्मा, वर्णिका शर्मा जी अउ अड़बड़ नामचीन कलाकार साहित्यकार, समाजसेवी मन आही।