तारबाहर क्षेत्र म फइले हे हैजा, ऐखर चपेट
म आये 5 मनखे अस्पताल म भर्ती-
अनिल कुमार पाली | बिलासपुर तारबाहर क्षेत्र म डायरिया बीमारी के बाद अब हैजा के बीमारी फइले हे, जेमा तारबाहर वार्ड के मनखे मन प्रभावित हे, जेमा 5 मरीज म हैजा के लक्षण मिले हे, जेमा से 2 मरीज ल निजी अउ 3 मरीज ल सरकारी अस्पताल म भर्ती करे गे हवय, ऐखर से पहली गंदा पानी के समस्या के कारण वार्ड क्रमक 29 म डायरिया के बीमारी फइले रहिस हे, जेखर बाद स्वास्थ विभाग ह कैम्प लगा के मनखे मन के जांच करे रहिस हे, अब तारबाहर क्षेत्र म हैजा फइल गे हे जेखर जानकारी मिले के बाद नगर निगम पानी के पाइप लाइन सुधारे के बुता करत हे, वार्ड के मनखे मन के शिकायत हे कि अमृत मिशन योजना म जेन पाइप लाइन ल बिछाये हे तेन पाइप लाइन ह नाली के तीर ले बगरे हे जेखर कारण पिये के पानी ह गंदा होये के संभावना बढ़ जाथे, तेखर कारण वार्ड के मनखे मन ल बीमारी के समस्या होत रहिथे।
0 Comments
अपने विचार सुझाव यहाँ लिख कर हमें भेजें।