छत्तीसगढ़ राज्य के स्थापना दिवस के बेरा म छत्तीसगढ़ महतारी के आरती कर के आशीर्वाद मागेन- कृतग पटेल

छत्तीसगढ़ राज्य के स्थापना दिवस के 

बेरा म छत्तीसगढ़ महतारी के आरती कर

 केआशीर्वाद मागेन- कृतग पटेल

अनिल कुमार पाली |बिलासपुर | पूरा प्रदेश म छत्तीसगढियावाद के अलख जगाइया संगठन छत्तीसगढ़िया क्रान्ति सेना कोती ले छत्तीसगढ़ राज्य स्थापना दिवस के बेरा म बिलासपुर कलेक्टरेट में स्थापित छत्तीसगढ़ महतारी मूर्ति के पूजा अर्चना करीन, संग म अपन पार्टी जोहार छत्तीसगढ़ बर विधानसभा सीट जीते के संकल्प घलोक लिस।
शहर अध्यक्ष कृतग पटेल ह बताइस की छत्तीसगढ़ म सबले पहली छत्तीसगढ़ महतारी के आरती करें के परंपरा छत्तीसगढ़िया क्रान्ति सेना के कोती ले सुरु करे गे हे अउ हमर संगठन के कोती ले सबो कार्यक्रम के सुरुवात छत्तीसगढ़ महतारी के आरती कर के करथन, हमर संगठन के कोती ले पूरा प्रदेश म छत्तीसगढ़ महतारी के मूर्ति स्थापित करे हन जेखर कारन दबाव म आके सासन ह घलोक सबो जिला म छत्तीसगढ़ महतारी के स्थापना करे हे।
सहर अध्यक्ष मनोज साहू ह बताइस के छत्तीसगढ़िया मन के जिम्मेदारी बनथे के अपन के अपन छत्तीसगढ़ महतारी के सम्मान करें अउ अपन कोनो भी कार्यक्रम तीज तिहार म छत्तीसगढ़ ल पूजय काबर के सबले पहली अधिकार माटी महतारी के होथे अउ हमन जेन भुइयां म जनमें हन ओ भुइयां हमर माटी महतारी छत्तीसगढ़ महतारी हवय। संग देवइया जय चंद साहू, बलराम साहू, कृष्ण यादव,पुनिराम, पीयूष, संजय कौशिक।