जोहार छत्तीसगढ़ पार्टी के अमित बघेल ल धरसींवा विधानसभा म मिलत हे भारी जनसमर्थन-

जोहार छत्तीसगढ़ पार्टी के अमित बघेल

ल धरसींवा विधानसभा म मिलत हे भारी 

जनसमर्थन-

ये दरी धरसींवा विधानसभा म नवा पार्टी जोहार छत्तीसगढ़ करही जीत दर्ज? भरपूर जनसंपर्क म जुटे हे सबो पार्टी मन-


अनिल कुमार पाली | बिलासपुर
धरसींवा विधानसभा म ये दरी नवा बदलाव के बुता म लगे जोहार छत्तीसगढ़ पार्टी के कार्यकर्ता मन अपन पार्टी के जीत दर्ज कराए के दावा करत हे, भारी आत्मविश्वास के संग पार्टी के कार्यकर्ता सेनानी मन पूरा धरसींवा विधानसभा म जोहार छत्तीसगढ़ पार्टी के प्रत्याशी अमित बघेल के संग दौरा करत हे, पार्टी के मनखे मन के कहना हवय के हमन छत्तीसगढ़ महतारी के बेटा-बेटी मन ल छत्तीसगढ़ म उखर अधिकार देवये बर राजनीति म आये हन अउ ये बेरा म जनता मन हमर भरपूर सहयोग घलोक करत हे।

राजनीतिक विशेषज्ञ मन तर्क लगावत हे के 2023 के विधानसभा चुनाव राष्ट्रीय पार्टी मन बर आसान नइ हे, काबर के बहुत बेरा ले छत्तीसगढ़ म निमगा छत्तीसगढियावादी विचारधारा के संग राजनीति करईया मनखे मन के जरूरत रहिस हे फेर दुनो राष्ट्रीय पार्टी मन दिल्ली ले मिले आदेश के पालन करे बर छत्तीसगढ़ के जनता ल अनदेखा कर देवय ऐखरे सेती छत्तीसगढियावाद के मुद्दा ल लेके पाछु दस बछर ले छत्तीसगढ़िया क्रान्ति सेना के नाव ले बुता करत हे, अब छत्तीसगढ़िया मन के हक अधिकार के खातिर चुनावी मैदान म उतरे के गोठ करथे जेखर से लोकल छत्तीसगढ़िया मन बढ़ प्रभावित होवत हे, एही सब ल देख के अंदाजा लगा सकथे की जेन बड़े पार्टी ह जोहार छत्तीसगढ़ पार्टी ल हल्का म लीही तेला भारी नुकसान उठाये ल पढही।

जोहार छत्तीसगढ़ पार्टी कहिस के हमर संकल्प हवय के स्थानी छत्तीसगढ़िया मन ल 100% रोजगार देवाबो, छत्तीसगढ़ म स्थापित होने वाला उधोग म बुता करे के अधिकार पहली छत्तीसगढ़िया मन ल देवाबो, निजी उधोग म होवत शोषण ल बंद करबो, दुर्घटना होये के स्तिथि म 30 लाख तक के मुआवजा देबो, निजी क्षेत्र म बुता के बेरा ल 12 ले 8 घंटा करबो अउ अब्बड़ कन संकल्प ले हे।

विज्ञापन के लिए संपर्क करें, दैनिक समाचार पत्र एवं पोर्टल       
whatsapp No:- 7722 906664 , aarugnews@gmail.com आप का व्यपार हम बढ़ाएंगे।