छत्तीसगढ़िया क्रांति सेना के कोती ले छेरछेरा के तिहार मनाये गीस-

 

छत्तीसगढ़िया क्रांति सेना के कोती ले छेरछेरा के तिहार मनाये गीस-

छेरछेरा कोठी के धान ल हेरते हेरा, गांव म छेरछेरा मांगे बर निकलिस क्रांति सेना के टोली-

बिलासपुर। छत्तीसगढ़िया क्रांति सेना बिलासपुर के कोती ले छत्तीसगढ़ के परंपरा ल आघु बढ़ाये के बुता निरंतर करे जात हे, आज छेरछेरा तिहार के दिन बिलासपुर क्रांति सेना के सेनानी मन छेरछेरा मांगे बर टोली बना के निकलीन अउ घर-घर जाके अन्न दान के तिहार छेरछेरा ल मनाइन, छेरछेरा मांगे बर संगठन के सेनानी मन के संग लईका मन घलोक बढ़ उल्लास के संग छेरछेरा मांगिस।

छत्तीसगढ़िया क्रांति सेना बिलासपुर के संयोजक शैलू ठाकुर ने बताया कि छेरछेरा तिहार पूरा छत्तीसगढ़ म महादान के नाव से जाने जाथे, छेरछेरा के दिन धान चाउर पइसा धान कर सकथे, मान्यता हवय की धान करे ले धान चाउर ह अउ बढ़थे, अउ हमर छत्तीसगढ़ के संस्कृति म धान दान के तिहार ल नंदाय ले बचाये बर हमन निरंतर बुता करत आत हन।