अस्करुहा के नोहय जाड़…दू म एक दवाई निमेर- कवि- जोहन भार्गव जी।

 

अस्करुहा के नोहय जाड़

अस्करुहा के नोहय जाड़…दू म एक दवाई निमेर !

एक तो सुत सुपेती ओढ़ के या फेर जावँर जोड़ी मेर !!

गरमी घानी घाम ह बइरी हवा झांझ बन सेंकय तन

पछीना तर-तर तर-तर चूहय बियाकुल जीव बियाकुल मन

लगय लुका के घरे म रौ झन ओढ़ दसा अंगरखओ ल हेर !

छानही ओरिया उलट जतन खेती म खंती ढेलवानी

गरजय बादर लउकय बिजली धूँक-धूँक बरसय पानी

पक्का घर म निथरे के डर माटी के घर म झिपारी घेर !

माघ फागुन के का कहना भारी सुग्घर दिन अउ रात

कम्मल ओढ़ के रथिया पहा दिन बीतय अराम के साथ

न जाड़ म गुरगुरावय चोला न सेंका-सेंका के तन ल पेर !

कवि- जोहन भार्गव जी

सेंदरी बिलासपुर (छ.ग)

मो. न:- 7974025985