आथे पुरखा के सुरता कवि अनिल जॉगड़े

आथे पुरखा के सुरता

आथे पुरखा के सुरता पितर पाख म 

देहे आशीष बर आथे घर चल के पाव म 

घर दुवारी ल लिप पोत के 

फूल ओरी ओरी ओरियाऐ हन 

पहुना आगे पितर पुरखा कहिके 

लोटा  म  पानी  मडाये हन 

तरोईपान  म  दार  चाऊर 

पानी  देहेन  हाथ  म 

आथे पुरखा के सुरता पितर पाख म 

देहे आशीष बर आथे घर चल के पाव म 

आनी बानी के रोटी पिठा 

बरा बनाके जेवावत हन 

खालीस कहिके पितर पुरखा 

मने मन म मुस्कावत हन 

हाथ जोड के माथ नवायेन 

गिरेन  उखर  पाव  म 

आथे पुरखा के सुरता पितर पाख म 

देहे आशीष बर आथे घर चल के पाव म 

आशीष देहिन पुरखा मन 

बने रईहव अईसने छाव म

स्वच्छता ल बनाये रखिहव 

देखबोन अवईया साल म

बनाके सुनता रहव मिलके 

कांटा गडे झन तुहर पाव म 

आथे पुरखा के सुरता पितर पाख म 

देहे आशीष बर आथे घर चल के पाव म 

 जय जोहार🙏पितर पुरखा 

             

कवि- अनिल जाॅगडे