Corona virus covid-19 कोरोना महामारी म अफवाह झन फइलावा

कोरोना वायरस के महामारी म अफवा ले रहव दुरिहा

Corona virus Covid19

हमर देश ह अभी के बेरा म कोरोना महामारी ले जूझत हे,
जेखर बर शासन ह कोरोनो महामारी ले लड़े बर अपन कोती ले पूरा तइयारी करत हे, तभो ले जब तक देश के सब्बो मनखे मन अपन-अपन कोती लेशासन के सहायता नइ करही, अउ कोरोना वायरस ले बचे के परयास नइ करही तब तक शासन-प्रशासन ह कुछु नइ कर सके,
सब्बो मनखे ल मिल के शासन के सहयोग करे ल लगही, अउ अपन घर के अंदर म रहे ल लगही बिना काम-बुता के येती-वोती नइ घूमना हे, जेखर ले दूसर मनखे म वायरस फइलें के ख़तरा ह कम हो जही, जतका भी मनखे मन अपन घर म हवय उमन जतका घव हो सके अपन हाथ-गोड ल साबुन से धोवव जेखर ले हाथ-गोड ह साफ रहें। साफ-सुथरा रहे ले वाइरस फइले के संभावना ह थोड़ा कम हो जाथे, अपना आप ल अउ अपन परिवार के संगे-संग देश ल कोरोना वाइरस ले बचाये बर लॉकडाउन म घर ले बाहिर झन निकलहु, सब्बो जरूरी सामान ह जेमा फल,सब्जी, राशन दुकान, दवाई दुकान, ह बिहान 7 बजे ले 12 बजे तक खुले रही इंहा कोनो भी घर के एक झन मनखे जा के जरूरत के सामान ले के आ सकथे, येहू दुकान मन म जाके भीड़ नई लगाना हे, मनखे मन ले एक हाथ के दुरिहा म रहेना हे, सामाजिक दूरी ( सोशल डिस्टेंसिंग ) ना कोनो ल छूना हे नाही कोनो ले छुवाना हे। अउ अइसे समस्या के बेरा म कोनो भी अफवा ले दुरिहा रही हे कोरोना महमारी के बारे म कोनो भी मनखे कुछु भी गोठ-बात करत रहिथे अफवा फइलात रहिथे त सबले पहली कोनो भी अफवा ले दुरिह रहना हे, बिना सोचे समझे कोनो भी गोठ बात ल सोशल मीडिया म नई डालना हे काबर की सबले जादा अफवा सोशल मीडिया म देखे बर मिलथे, त आप सब्बो झन सोशल मीडिया म फइले अफवा ले दूरिहा रहव अउ कोनो भी मनखे कने अफवा झन फइलाव।

युवा कवि साहित्यकार
अनिल कुमार पाली,
तारबाहर बिलासपुर छत्तीसगढ़