बेलतरा ले निर्दली प्रत्याशी के रूप म फॉर्म भरीस कांग्रेस के महापौर-

 

बेलतरा ले निर्दली प्रत्याशी के रूप म

फॉर्म भरीस कांग्रेस के महापौर-

पुरानी फ़ोटो

अनिल कुमार पाली | बिलासपुर चुनाव म कई नेता मन ल पार्टी ले टिकिट नइ मिले के कारन अपन पार्टी ले अलग हट के निर्दली चुनाव लड़त हे त कई नेता मन दूसर पार्टी म मील जावत हे अउ ये सिलसिला लगातार जारी हे, एही बीच म बेलतार विधानसभा क्षेत्र म कांग्रेस पार्टी ले टिकिट नइ मिले के कारन बिलासपुर कांग्रेस के महापौर ह बागी होके निर्दली प्रत्याशी के रूप म बेलतार विधानसभा ले फॉर्म जमा करे हे, आप ल बता दन की बेलतरा सीट जिन्हा कांग्रेस के 119 प्रत्याशी मन दावेदारी करे रहिन हे ओमा महापौर रामशरण यादव घलोक रहिस हे, बहुत हाईप्रोफाइल सीट होये के कारन भाजपा अउ कांग्रेस दुनो पार्टी ल बेलतरा सीट म प्रत्याशी घोषित करे बर अब्बड़ बेरा लगिस।

विज्ञापन के लिए संपर्क करें, दैनिक समाचार पत्र एवं पोर्टल       
whatsapp No:- 7722906664, 

aarugnews@gmail.com आप का व्यपार हम बढ़ाएंगे।

महापौर के निर्दली प्रत्याशी के रूप म फॉर्म जमा करे के जानकारी जिला कांग्रेस के सहर ल नइ हवय कहिस संग म अगर अइसने गोठ होही त महापौर ले गोठ कर के मामला ल सुलझाये के प्रयास करबो कहे हे, अउ कही ऐखर बाद भी कही चुनाव लड़ही त आचार संहिता के बाद उचित कार्यवाही करबो।