राजनांदगांव विधानसभा ले पूर्व मुख्यमंत्री ल टक्कर देवत हे जोहार छत्तीसगढ़ पार्टी के सबले युवा प्रत्याशी मनीष देवांगन-

राजनांदगांव विधानसभा ले पूर्व मुख्यमंत्री

 ल टक्कर देवत हे जोहार छत्तीसगढ़ पार्टी 

के सबले युवा प्रत्याशी मनीष देवांगन-

राजनांदगांव विधायक प्रत्याशी मनीष देवांगन अउ रमन सिंह

आरुग न्यूज | राजनांदगांव |  पहली चरन के मतदान 07 नवंबर के होही जेखर बर सबो राजनीतिक दल मन अपन पसीना बोहावत हे, येही बीच म रोचक तथ्य ये हवय के राजनांदगांव विधानसभा ले जोहार छत्तीसगढ़ पार्टी ले सबले युवा प्रत्याशी मनीष देवांगन ह पूर्व मुख्यमंत्री के खिलाफ चुनाव लड़त हे, जेन उमर म युवा मन अपन रोजगार के चिंता कर दर-दर भटकथे तेन उमर म युवा मन के सहारा बने बर विधायक बने के सपना लेके चुनाव लड़े बर तइयार मनीष देवांगन ह छत्तीसगढ़ के सबो युवा मन बर प्रेणन होही जेन अपन माटी महतारी बर अपन भविष्य ल दाव म लगा दे हे।

विज्ञापन के लिए संपर्क करें, दैनिक समाचार पत्र एवं पोर्टल       
whatsapp No:- 7722 906664 , aarugnews@gmail.com आप का व्यपार हम बढ़ाएंगे।

आप ल बता देन की अवइया विधानसभा चुनाव 2023 में जुन्ना गैर राजनीतिक संगठन छत्तीसगढ़िया क्रान्ति सेना अपन नवा राजनीतिक पार्टी जोहार छत्तीसगढ़ के नाव ले चुनावी मैदान म उतरे हे अउ ऐखर संगे-संग जोहार छत्तीसगढ़ पार्टी ल ये दरी सबले जादा युवा मन ल अपन प्रत्याशी बनाए हे, जेखर से युवा वर्ग म भारी उत्साह हवय की कोनो तो पार्टी हवय जेन युवा मन ल राजनीति करे बर आघु लावत हे।