शिक्षक भर्ती म छत्तीसगढ़ी म एक वर्षीय डिप्लोमा वाले मन मांगत हे प्राथमिकता-

शिक्षक भर्ती म छत्तीसगढ़ी म एक वर्षीय डिप्लोमा वाले मन मांगत हे प्राथमिकता-

अनिल कुमार पाली आरुग पत्रिका

हमु मन ल देवव साय सरकार रोजगार- छत्तीसगढ़ी डिप्लोमा संघ

बिलासपुर। अनिल कुमार पाली।  छत्तीसगढ़ के स्कूल म छत्तीसगढ़ी भासा म पढ़ाई लिखाई करवाये के रददा सरकार ह धीरे-धीरे साफ करत जात हे, ऐखर संगे-संग स्कूल म शिक्षक भर्ती म घलोक छत्तीसगढ़ी भासा के शिक्षक मन के मांग तेज हो गे हे, छत्तीसगढ़ी भासा म एक वर्षीय डिप्लोमा करईया मन के घलोक हवय के एक वर्षीय डिप्लोमा करईया मन ल छत्तीसगढ़ शिक्षक भर्ती परीक्षा म सामिल किये जाए, जेखर से छत्तीसगढ़ी भासा डिप्लोमा करईया मन के रोजगार के रददा खुल सकें, स्कूल म शिक्षक भर्ती के संगे-संग छत्तीसगढ़ी भासा ले संबंधित होवइया भर्ती म एक वर्षीय डिप्लोमा वाले मन ल घलोक प्राथमिक दे के रोजगार देवय सरकार ह।

आप ल बता देवन के पंडित सुंदर लाल शर्मा विश्वविद्यालय ले कई बछर ले छत्तीसगढ़ी भासा म एक वर्षीय डिप्लोमा होवत हे, जेमा लगभग 8 हजार विद्यार्थी मन छत्तीसगढ़ी भासा म एक वर्षीय डिप्लोमा के पढ़ाई कर डरे हे, अब छत्तीसगढ़ी भासा म पढ़ाई करे के बाद रोजगार के अवसर दे बर सरकार के कोती देखत हे के छत्तीसगढ़ी भासा ल शिक्षक के क्षेत्र म प्राथमिकता के संग छत्तीसगढ़ी भासा म डिप्लोमा करईया लईका मन ल घलोक रोजगार बर प्राथमिकता देवय।

विज्ञापन के लिए संपर्क करें, दैनिक समाचार पत्र एवं पोर्टल      
whatsapp No:- 7722 906664 , aarugnews@gmail.com
आप का व्यपार हम बढ़ाएंगे।