छत्तीसगढ़ म संचालित बड़का कंपनी मन रोजगार के नाव म मनखे मन के बली लेवत हे- युवा कवि साहित्यकार अनिल कुमार पाली तारबाहर बिलासपुर

 छत्तीसगढ़ म संचालित बड़का कंपनी मन रोजगार के नाव म मनखे मन के बली लेवत हे- 

छत्तीसगढ़ म संचालित उद्योग म नियम के पालन नइ करे ले होवत हे, जानलेवा हादसा- 

हमर छत्तीसगढ़ ह सबो खनिज-संपदा ले भरपूर हे, जेखर कारन पूरा छत्तीसगढ़ के चिन्हा विश्व स्तर म बगरे हवय, पूरा देस-विदेस के मनखे मन छत्तीसगढ़ म आके उद्योग कंपनी लगाये बर तइयार रहिथे, ओखर बाद भी छत्तीसगढ़ म रहइया छत्तीसगढ़िया मन के स्तिथि सिरफ अतना हवय के छत्तीसगढ़ म खुले प्लांट म रोजी-मजदूरी करत अपन जीवन बितात हे, जबकि दूसर प्रदेश के मनखे मन छत्तीसगढ़ म आके बड़े-बड़े प्लांट लगाथे व्यापार करथे अउ छत्तीसगढ़िया मन के खेतिहारी जमीन ल कम दाम म खरीद के उंहा बड़का फैक्ट्री लगाथे, अउ ओ फैक्ट्री म नाव मात्र के छत्तीसगढ़िया मन ल रोजगार देवत हे जेमा सिरफ रोजी-मजदूरी के बुता जादा रहिथे, अच्छा पद वाले बुता ल बाहिर ले आये मनखे ल देथे जेन इंहा के छत्तीसगढ़िया मन ऊपर अपन धौस जमा के कंपनी मालिक के समर्थन म कंपनी ल चलाथे, अउ छत्तीसगढ़िया मन यही छोटे बुता कर के परदेसिया मन के जीहुजूरी करथे।

युवा कवि साहित्यकार

अनिल कुमार पाली

तारबाहर बिलासपुर