छत्तीसगढ़ी भासा म दूसर देस के भासा प्रभाव-
कोनो भी भासा ह अपना आप म संपूर्ण नइ होवय, कतको दूसर भासा ले मिल के कोनो राज्य के भासा बनथे-
छत्तीसगढ़ राज्य के मनखे मन छत्तीसगढ़ी भासा म गोठ करथे जेला हमन छत्तीसगढ़ी भासा कईथन फेर कई ठन छत्तीसगढ़ी शब्द ह दूसर प्रदेश के शब्द आये जेला छत्तीसगढ़ी शब्द के रूप म गोठियाय जाथे।
छत्तीसगढ़ी म उपयोग म लाये जाने वाला अंग्रेजी भासा के शब्द- अंजन, इस्कूल, इसनो, कंपोटर, कारड,असपताल, सइकल, कंडील, टेसन, बलाउज, लालटिन, सिरमिट जइसे शब्द अंग्रेजी के शब्द हवय जेला छत्तीसगढ़िया मन गोठियाये बर छत्तीसगढ़ी म उपयोग करथे।
छत्तीसगढ़ी म प्रभाव डालने वाला उर्दू के शब्द- ईमान, उम्मर, औकात, किसबिन, किसिम, खातिर, खियाल, गजब, झुलुप, जिनगानी, जिनिस, जैजाद, तमासा, नजर, नुकसानी, फजीता, फलाना, फायदा, बद्दी, मजा, मुसकुल, रद्दा, सगा, सफ्फा, सिरिफ, इजार, असल, जइसने छत्तीसगढ़ी म गोठियाने वाला शब्द उर्दू भासा ले छत्तीसगढ़ी म आये हे।
पस्तो के शब्द- पस्तो अफगानिस्तान के भासा हवय। भारत देश ले होवय पस्तो शब्द ह छत्तीसगढ़ म आगे जइसे- पठान, मटरगस्ती, गुंडा, डाँगर, गंडेरी, अटकर।
तुर्की के शब्द- तुर्की ह बहुत बेरा तक भारत देश म राज करे हे तेखर कारन तुर्की के बहुत अकन भासा शब्द ह भारत के संगे - संग छत्तीसगढ़ राज्य म घलोक सुने ल मिलथे जइसे- कुरता, कैंची, चकमक, चाकू, दरोगा, लास, जइसे शब्द तुर्की भासा के शब्द आये।
फ़ारसी भासा के शब्द- कमती, खरचा, खुरसी, उकिल, फउजदारी, मुखतियार, साँफी, हलवा जइसे शब्द फ़ारसी भासा के शब्द आये।
पुर्तगाली भासा के शब्द- अलमारी, गमला, गोभी, चहा, टीपा, माखुर, मिसतिरी।
छत्तीसगढ़ म अउ अइसने कई ठन शब्द हवय जेन देशज शब्द हवय फेर ऐखर जानकारी नइ हे के कोन देस से ये शब्द ह छत्तीसगढ़ी भासा म आये हे- जइसे - खेखरी, रींगीचींगी, खरही, खेड़हा, गिजरा, गोल्लर, घुंनघुटी, ढेड़हा, चटकन, भकला, लमहा, लुरकी, सुका, सैकमी, अकरस, कोंपर, खोंघरा, गर्रा, टेहा, पताल, बरछा, रेंघ, मलगी, मखना।
युवा कवि साहित्यकार
अनिल कुमार पाली
तारबाहर बिलासपुर।
मो न:- 7722906664
0 Comments
अपने विचार सुझाव यहाँ लिख कर हमें भेजें।